Buchalik w blogu Ślonski fusbal: Arek Milik może już pomału...

    Buchalik w blogu Ślonski fusbal: Arek Milik może już pomału pakować swoji szczewiki

    Ślonski fusbal

    Dziennik Zachodni

    Aktualizacja:

    Dziennik Zachodni

    Arkadiusz Milik

    Arkadiusz Milik ©Dariusz Hermiersz/www.gornikzabrze,pl

    Grzegorz Buchalik pisze blog po śląsku o śląskiej piłce nożnej. CZYTAJ KONIECZNIE I SKOMENTUJ
    Arkadiusz Milik

    Arkadiusz Milik ©Dariusz Hermiersz/www.gornikzabrze,pl

    Plac czworty, siōdmy, czternosty i piytnosty tamek pokōńczyły jesiyń kluby z ślōnskigo. Nojwiyncyj uciechy doł nōm Górnik, szpetnie zaskoczōł wicemistrz Polski Ruch. Darymno jesiyń zaliczyło tyż Podbeskidzie, bardzij zadowolyni bydōm za to kibice w Gliwicach.

    Ciynżko pedzieć co prziniesie wiosna, tym bardzij, że pierōn wiy jak w składach ślōnskich ekip zafyrlo zimowe okinyko transferowe.
    Już stracilimy nowego Bayeroka Milika. Czy ze Ślōnska wyfurgnōm tyż Nakoulma i Skorupski? A mono Piech i Jankowski? Czy kieroś z naszych ekip do se pokój z szporowaniym i zamiast yno sprzedować groczy, poradzi skludzić do sia jakigoś chopa, kiery rychtyk umi kopnōnć do bala?

    Zejrzymy na chwila co kōmbinujōm w Chorzowie i Zabrzu...

    Transfery



    Polityka transferowo polskich klubōw nikiedy ciynżko jes zrozumieć. Styknie yno spōmnieć taki postaci jak Józef Wojciechowski, czy Antoni Ptak. Oba biznesmyny, kierzi durś ni majōm pojyncio o fusbalu, zachowywali sie w swoich klubach jak paniczki na zakupach. Chcieli zaroski zbudować klub-potynga. Wojciechowski skludzoł do Warszawy rozmańtych gwiazdorōw i sztyjc zmiynioł trynerōw (bezmała za jego panowanio było ich tam 17.), Ptak mioł za to ptoka na punkcie Brazylijczykōw i przitargoł ich do Szczecina cołko drużyna. Żodyn z tych panōw wielkij kariery we fusbalu niy zrobiōł, oba narobiyli yno darymnego miszōngu...

    Niy chca samek w żodnym wypadku porównywać obecnych prezesōw ślōnskich klubōw do wyżyj wymiyniōnych dziołaczy. Takich atrakcji prezesy ślōnskich klubōw nōm niy powinni zafundować. W składach naszych ekip jednak na pewno sie zafyrlo. Bele yno to im za fest niy zaszkodziyło.

    W piōntkowym szpilu z Reprezyntacji Polski z Macedōniōm po boisku tyrało trzech fusbalistōw z ślōnskich klubōw: Łukasz Skorupski, Arkadiusz Milik (oba z Górnika) i Arkadiusz Piech (Ruch). Wiela z nich zostanie na Ślōnsku na wiosna?

    Milik z Macedōniōm klupnōł swojigo piyrszego gola w kadrze. Zaprezyntowoł sie dobrze i po szpilu pofurgnōł już prosto do Leverkusen na badania medyczne w klubie wicelidera Bundesligi. Piech w piōntkowym sparingu niy dostoł tak dobrej szansy na pokozani sie jak jego imiynnik. Groł yno bez 15 minut i wiela niy zdōnżōł zdziałać. Skorupski tyż za fest sie niy wykozoł. Jako torman za dużo roboty w tym spotkaniu ni mioł. Na tych dwóch jednak od jakigoś czasu tyż już dziwajōm sie inksze kluby.

    Bez nojbliższe pora tydni my bydymy beztōż bardzij sie dziwać na to jak spisujōm sie niy fusbaliści, a właśnie prezesy naszych klubōw. Szczególnie trza dać pozōr co wykōmbinujōm w Zabrzu i w Chorzowie...
    1 »

    Czytaj także

      Komentarze (3)

      Dodajesz komentarz jako: Gość

      Dodając komentarz, akceptujesz regulamin forum

      Liczba znaków do wpisania:

      zaloguj się

      Autor komentarza nie dodał zdjęcia
      A może tak autor artykułu nauczy się polskiego

      Grzegorz Ślązak, ale polski (gość)

      Zgłoś naruszenie treści / 29 / 36

      Jestem absolutnie "zniesmaczony" tą pseudo mową, w d... mam taką kretyńską gazetę, nie dość, że proniemiecką to jeszcze jakoby śląską.


      Autor komentarza nie dodał zdjęcia
      Hanys

      Bolek (gość)

      Zgłoś naruszenie treści / 14 / 18

      Typs nie slazak tylko gorol

      Autor komentarza nie dodał zdjęcia
      łonaczcie tak dalij! :D

      Ślonzok (gość)

      Zgłoś naruszenie treści / 28 / 20

      mie sie tam podobo- zamiast niesmaku czuja podziw dla pana Grzegorza Buchalika. Ślonsko godka istnieje fest długo, kożdy moj przodek tak godoł, a terozki przy tych wszyjskich McDonaldach,...rozwiń całość

      mie sie tam podobo- zamiast niesmaku czuja podziw dla pana Grzegorza Buchalika. Ślonsko godka istnieje fest długo, kożdy moj przodek tak godoł, a terozki przy tych wszyjskich McDonaldach, Starbucksach i inkszych sie to zaczyno tracić i to niy yno w mowie, ale i w tradycjach! Dziynkuja autorowi i DZ, że kludzom taki blog i fest sie o ślonski starajom. I przy okazji tyż winszuja nojlepszygo na te Świynta.
      Panu, panie Ślązaku tyż winszuja, a przede wszyjskim życza świadomości- kultura polsko polego na różnorodności regionalyj (i niy godom tu o byciu projakimuśkraju), trza wachować coby sie to niy straciło, bo jak bydom same McDonaldy to bydzie sam nudno.zwiń

      Najnowsze wiadomości

      Zobacz więcej

      Najczęściej czytane

      DZ poleca

      Wideo

      Gry On Line - Zagraj Reklama