Buchalik: Piast-Lechia, czyli końcówka do Piustunków

    Buchalik: Piast-Lechia, czyli końcówka do Piustunków

    Ślonski fusbal

    Dziennik Zachodni

    Aktualizacja:

    Dziennik Zachodni

    Buchalik: Piast-Lechia, czyli końcówka do Piustunków
    1/6
    przejdź do galerii

    ©Marzena Bugała-Azarko

    Fusbaliści z Piasta w pyndziałkowy wieczōr siekli nōm mało niyspodzianka na osłoda tej darymnej kolejki i pokōnali u sia Lechia Gdańsk 2:0. Gole w kōńcōwce szpilu klupli Podgórski (74. min.) i Robak (88. min).
    Sōm my już kōnsek za połowōm sezōnu, a przed szpilami Piasta sztyjc ciynżko jes nōm pedzieć czego mogiymy sie tak rychtyk spodziywać. Ekipa z Gliwic gro rozmańcie, ale jakby sie niy dziwać dorobek punktowy jak na byniaminka mo doś wysoki. Pomału nawet zbliżo sie do nojlepszej ślōnskij drużyny i rewelacji jesiyni, Górnika.

    Durś niy zapowiadało sie na zwyciynstwo Piasta.
    W piyrszej połowie bramkorzowi Lechii musiało mierznōnć sie choby na exposé u Tuska. Ofynsywa Piasta szczylała ,,kole a wele" nawet z bliskich odlygłości. Buchalik porzōndnie wysztrekować kości mōg dopiyro po szlagu Jurado z 43. minuty. Jego szwarno parada uratowała wtedy gości przed stratōm gola.

    CZYTAJ KONIECZNIE:
    BLOG GRZEGORZA BUCHALIKA: ŚLONSKI FUSBAL


    Swoji szanse miała Lechia. Dwa razy klupnōnć do siatki mōg Piotr Wiśniewski. Trela jednak sztyjc zostowoł z czystym kōntym. Kōntry Lechii były niyefektowne.

    Jakiś 20 minut po piyrszym gwizdku drugij połowy zaczyło sie porzōndnie mloć pod bramkōm gospodorzy. Przody sytuacji sōm na sōm niy wykorzystoł Ricardinho, hneda nastympne elegancki okazje zawalili Duda i zaś Wiśniewski.

    Taki rzeczy muszōm sie zymścić. W 74. minucie, do bala ustawiōnego wele 20. metra od bramki Buchalika, podłazi Podgórski. Kapitan Piasta oddowo szlag i trefio praje w sōm winkel. Pajynczyna mono ni ma serwano, ale pajōnk bez godki nachytoł hercklekotōw. Nojważniejsze, że przisuto śniegiym tablica wynikōw pokozuje w kōńcu 1:0.

    Lechia ciepie sie do ataku tak, że w 88. minucie przi cyntrze Podgórskigo z roga, w swoim szesnostku mo już tak rychtyk yno trzech obrōńcōw. To wykorzysto, dopiyro co wkludzōny na boisko, nowy fusbalista Piasta, Marcin Robak. Jego brama ustalo kōńcowy wynik na 2:0 do gospodorzy.

    Piast ,,wciepuje migacz" i wyprzedzo w tabeli swojigo ostatnigo rywala. Synki z Gliwic sōm teroski na 6. placu i do piōntego Górnika tracōm już yno 2 punkty.

    Piast Gliwice - Lechia Gdańsk 2:0 (0:0)

    Bramki: Tomasz Podgórski (74.), Marcin Robak (88.)
    Piast: Dariusz Trela - Damian Zbozień, Łukasz Krzycki, Jan Polak, Adrian Klepczyński - Pavol Cicman, Mateusz Matras, Mariusz Zganiacz (58. Rudolf Urban), Ruben Jurado (86. Matej Izvolt), Tomasz Podgórski - Tomas Docekal (79. Marcin Robak)
    Lechia: Michał Buchalik - Deleu, Rafał Janicki, Jarosław Bieniuk, Piotr Brożek - Łukasz Kacprzycki (60. Adam Duda), Łukasz Surma (82. Mateusz Machaj), Ricardinho (86. Kacper Łazaj), Marcin Pietrowski, Paweł Buzała - Piotr Wiśniewski.


    Grzegorz Buchalik
    Grzegorz Buchalik, student z Żor, uwielbia grać w piłkę i relacjonuje po śląsku mecze ekstraklasy. Ślōnski fusbal ma udowadniać, że język śląski to nie tylko żarty, co nie znaczy, że żartów musimy usilnie unikać. Ślōnski fusbal ma przede wszystkim promować śląski język i sport. Teksty adresowane są nie tylko do Ślązaków, dla których godka jest językiem ojczystym, wyniesionym z domu. Grzegorz Buchalik pisze alfabetem łacińskim z tym, że dodaje jedną literę-samogłoskę, zapisywaną jako: ō (jak np. w wyrazach kōnsek", czy pozōr).




    *Ranking szkół nauki jazdy 2013
    *Restauracja Rączka gotuje otwarta ZOBACZ ZDJĘCIA
    *Granica polsko-niemiecka 1922 na Górnym Śląsku [SENSACYJNE ZDJĘCIA]
    *Podziemny dworzec autobusowy w Katowicach działa! [ZDJĘCIA]

    Codziennie rano najświeższe informacje z woj. śląskiego prosto na Twoją skrzynkę e-mail. Zapisz się do newslettera

    Czytaj także

      Komentarze (1)

      Dodajesz komentarz jako: Gość

      Dodając komentarz, akceptujesz regulamin forum

      Liczba znaków do wpisania:

      zaloguj się

      Autor komentarza nie dodał zdjęcia
      gratuluju :)

      Honza (gość)

      Zgłoś naruszenie treści / 16 / 15

      To je fajn!

      Najnowsze wiadomości

      Zobacz więcej

      Najczęściej czytane

      DZ poleca

      Wideo

      Gry On Line - Zagraj Reklama