Nad Zabrzym w niedzielne popołedni pojawiyła sie klara i to właśnie podziwiani tej przijymnej oznaki spóźniōnej latoś wiosny było chyba nojwiynkszōm atrakcjōm do kibicōw na placu budowy przi ul. Roosvelta w piyrszej połowie szpilu Górnika z Podbeskidziym.
CZYTAJ KONIECZNIE:
BLOG GRZEGORZA BUCHALIKA: ŚLONSKI FUSBAL
Jedyn cylny szlag Szeweluchina to doprowdy za mało jak na szpil, w kierym obie ekipy grajōm o rychtyk wysoki stawki. Kibice przedeptujōm z nogi na noga. Wieje nudōm.
Drugo połowa wiela niy zmiyniła jak rozchodzi sie o podbramkowe sytuacje. Żodyn z tormanōw sztyjc ni mioł okazji do porzōndku sie ciepnōnć, wysztrekować. Z upływym minut jednak coroz bardzij rysowała sie przewoga Górnika. W ekipie gospodorzy jak zawsze szarpoł, człowiek kiery sie niy mynczy, Prejuce Nakoulma.
Po jednym z swoich rajdōw, ,,Prezes" dobrze wyłożōł bal Boninowi w szesnostce gości, ale tyn klupnōł ,,z piyrszej" doś dobrze nad latōm. Jynk na trybunach. Skrzidłowy Górnika doł swoim kibicōm powōd do uciechy tak rychtyk dopiyro po tym jak siod na ławie.
Tymczasym na murawie sztyjc nic sie niy dzieje. Górnik niy poradzi oddać porzōndnego szlagu, a Podbeskidzie dalij czeko na ta jedna, jydyno kōntra.
Goście doczkali sie tego na co liczyli na 3 minuty przed kōńcym regulaminowego czasu gry. W tak słabym spotkaniu zmiana wyniku mōg dać yno ktoś rychtyk wybitny. Po cyntrze z lewej strōny i zgraniu głowōm od kamrata z drużyny bal dostowo Robert Demjan. Widać, że synek jes ostatnio ,,na fali". Przi asyście obrōńcōw poradziōł przeciś sie z balym i klupnōnć niy do obrōny. To juz 11. gol tego grocza w sezōnie. W Bielsku-Białej muszōm tera yno rzykać coby tymu zawodnikowi niy przitrefiła sie żodno kōntuzjo, ani inksze pierōństwo, bo za dużo od niego zoleży.
Po niedzielnym szpilu fol zabrzańskich kibicōw doszło do wniosku, że tym razym niy werciło sie kupować biletōw. Lepij było siedzieć w doma niż darymnie sie nerwować. Bez godki to ni ma tyn Górnik z jesiyni. Synki z Zabrzo już downo straciyli tamtyn szwōng na brama rywali, skuli kierego godało sie o nich ,,rewelacjo jesiyni". Traci sie już z horyzōntu wizja mistrzostwa, o kierym ofyn godało sie jeszcze bez zima. Oddalajōm sie tyż europejski puchary.
Górnik Zabrze - Podbeskidzie Bielsko-Biała 0:1 (0:0)
Brama: Robert Demjan (88. min)
Górnik Zabrze: Łukasz Skorupski - Paweł Olkowski, Adam Danch, Ołeksandr Szeweluchin, Mariusz Magiera - Prejuce Nakoulma, Bartosz Iwan, Aleksander Kwiek (42. Sergei Mosnikov), Krzysztof Mączyński, Grzegorz Bonin (67. Konrad Nowak) - Ireneusz Jeleń (67. Tomasz Zahorski).
Podbeskidzie Bielsko-Biała: Richard Zajac - Marek Sokołowski, Dariusz Pietrasiak, Bartłomiej Konieczny, Tomasz Górkiewicz - Damian Chmiel, Dariusz Łatka, Marko Cetkovic (69. Fabian Pawela), Adam Deja (46. Michal Piter-Bucko), Piotr Malinowski (80. Mateusz Janeczko) - Robert Demjan.
Grzegorz Buchalik, student z Żor, uwielbia grać w piłkę i relacjonuje po śląsku mecze ekstraklasy. Ślōnski fusbal ma udowadniać, że język śląski to nie tylko żarty, co nie znaczy, że żartów musimy usilnie unikać. Ślōnski fusbal ma przede wszystkim promować śląski język i sport. Teksty adresowane są nie tylko do Ślązaków, dla których godka jest językiem ojczystym, wyniesionym z domu. Grzegorz Buchalik pisze alfabetem łacińskim z tym, że dodaje jedną literę-samogłoskę, zapisywaną jako: ō (jak np. w wyrazach kōnsek", czy pozōr).
*Kutz: Autonomia okazała się oszustwem. Ślązakom należy się status mniejszości etnicznej [WYWIAD RZEKA]
*TYLKO W DZ: Niesamowite zdjęcia górników i kopalń z XIX w. Maxa Steckla
*Cygańskie wesele w Rudzie Śl. On - 21 lat, ona 16 lat. ZOBACZ ZDJĘCIA Z ZABAWY
*Serial Anna German [STRESZCZENIA ODCINKÓW]
Dołącz do nas na Facebooku!
Publikujemy najciekawsze artykuły, wydarzenia i konkursy. Jesteśmy tam gdzie nasi czytelnicy!
Dołącz do nas na X!
Codziennie informujemy o ciekawostkach i aktualnych wydarzeniach.
Kontakt z redakcją
Byłeś świadkiem ważnego zdarzenia? Widziałeś coś interesującego? Zrobiłeś ciekawe zdjęcie lub wideo?