Buchalik: Jak sie rychtyk chce... Sezōn zaliczōny

Gliwice cieszōm sie z pucharōw, Bielsko-Biała z utrzimanio, W Chorzowie ulga po unikniynciu gańby, jakōm bōłby spadek wicemistrza Polski. Nojbardzij na swoich groczy pierōniōm jednak kibice w Zobrzu...

CZYTAJ KONIECZNIE:
ŚLONSKI FUSBAL: BLOG GRZEGORZA BUCHALIKA PO ŚLĄSKU

Ostatni ekstraklasowe wynik pokozujōm, że nasi fusbaliści tyrajōm rychtyk na pełnych obrotach yno jak muszōm. Nojlepij widać to na przikładach Górnika i Podbeskidzio...

Synki z Zobrzo po eleganckij postawie na jesiyń, niy wyglōndali na wiosna na ekipa z pucharowymi ambicjami. Spadek im jednak niy groziōł, beztōż mōgli se pozwolić na 10 porażek bez żodnych kōnsekwycji. Szportowcy wartko skludziyli na ziymio tych wszyjskich, kierzi rozmarzyli sie o 15. tytule majstra. Za fest sie przi graniu ani niy zmazali, beztōż mono przinajmij klub zaszporowoł na praniu. Wszyjsko godo nōm stosunek oczek zdobytych w obu rundach (28 na jesiyń, 15 na wiosna).

Ambicjo pokozali, ci kierzi mieli sztyjc nadarte. Podbeskidzie zrobiyło to co niy udało sie choby właśnie Górnikowi w sezōnie 2008/09, czy inkszej ślōnskij drużynie Odrze Wodzisław w sezōn niyskorzij. Wszyjski te ekipy po zajynciu ostatnigo placu na jesiyń, robiyły wielko wiosynno kōntrofynsywa. Rewolucjo udała sie dopiyro Podbeskidziu. Dziynki głodnym fusbalu nowym groczōm drużyna spamiyntała sie na wiosna i do sześciu jesiynnych punktōw natrzaskała jeszcze 26 nowych, doś coby zrealizować "Mission impossible" i zgarnōnć świadectwo z prōmocjōm na nastympny sezōn.

Niy yno umiyjyntności, ale tyż, a raczyj przede wszyjskim chynci, mobilizacjo, atmosfera w drużynie. Nikierzi ekstraklasowcy mōgliby sie samek dużo nauczyć od amatorskich drużyn nawet z Klasy C, kierych stawka za szpil to kōnsek wōsztu...

Grzegorz Buchalik, student z Żor, uwielbia grać w piłkę i relacjonuje po śląsku mecze ekstraklasy. Ślōnski fusbal ma udowadniać, że język śląski to nie tylko żarty, co nie znaczy, że żartów musimy usilnie unikać. Ślōnski fusbal ma przede wszystkim promować śląski język i sport. Teksty adresowane są nie tylko do Ślązaków, dla których godka jest językiem ojczystym, wyniesionym z domu. Grzegorz Buchalik pisze alfabetem łacińskim z tym, że dodaje jedną literę-samogłoskę, zapisywaną jako: ō (jak np. w wyrazach kōnsek", czy pozōr).

ZGADZASZ SIĘ Z AUTOREM BLOGA? JESTEŚ PRZECIW? SKOMENTUJ

*Operacja przeszczepu twarzy: Poznaj pacjenta i autorów sukcesu [ZDJĘCIA + OPINIE + KOMENTARZE]
*MISS ŚLĄSKA I ZAGŁĘBIA 2013: TEGO NIE ZOBACZYCIE W TELEWIZJI
*Maluch z Allegro: Fabrycznie nowy Fiat 126 z 1979 r. i wielki skandal
*Dni Miast 2013 [PROGRAM IMPREZ]: Chorzów, Będzin, Ruda, Sosnowiec, Wodzisław i inne!