Ô telkich mōmyntach marzy kożdy bajtel, kery tyro za balym. Nikerzi poradzōm sie doczkać… Monaco we wtorek niy grało wielkigo fusbalu, a ôd 73 min. przegrywało. Prziszła jednak 94 min. i szef defynsywy fechtnōł sie do przodku. Szlagiym z woleja zza szesnostki zaskoczōł wszyjskich i samego siebie. To niy bōł na dyć gol w stylu Kamila Glika, kery ofyn prziznoł, że to jedna z nojgryfniejszych bramōw w jego karierze.
We wtorkowo-środowych szpilach LM mōgli my dziwać sie na cołki festiwal niyszczelōnych elwrōw. Na szpilplacach po cołkij Europie fusbaliści prezyntowali roztomańte knify na zmaszczyni jedynostki. Z wopna niy poradziyli pokōnać tormanōw egzekutory Kopynhagi, Sewilli, Łudogorca, PSV i Atletico. Nawet bohatyr Euro’16 Antek Griezmann pocylowoł w lata. Na sześ elwrōw bal do neca wkuloł sie yno roz. Hōnor snajperōw uratowoł Arek Milik mocnym szlagiym w dolny rōg bramy. Niyskorzij mioł jeszcze jedna laga, ale z bliska klupnōł „Pōnbōczkowi w ôkno”. Skiż tego z trzema bramami plac lidera w klasyfikacji nojlepszych szczelcōw LM musi dzielić z Messim, Cavanim i Sergio Aguero. W kożdym razie bramōm i asystōm Milik szkryfnōł sie pod efektownōm wygranōm Napoli z Benfikōm 4:2.
Pierōnym ważny punkt w szlagrze kolejki zdobyła tyż drużyna Łukasza Piszczka. Real wygrywoł w tym szpilu 2 razy, ale gospodorze za kożdym razym poradziyli dokludzić do rymisu. Dziynki tymu Borussia niy dała sie wyprzedzić w tabeli Krōlewskim, od kerych je lepszo yno bramkami. To moge sie jednak hneda zmiynić. Hiszpany grajōm na dyć z Legiōm…
Po sztyry punkty Monaco i Borussi i kōmplet sześciu ôczek Napoli. Telki wyniki dowajōm kożdej z tych ekip piyrszy plac w tabeli swojij grupy. Już tera idzie pedzieć, że „ślōnski” drużyny bydōm miały latoś w LM swoji do godki.
*Drastyczna podwyżka cen wody na Śląsku od stycznia. Ile?
*Najpiękniejszy ogród w woj. śląskim należy Karoliny Drzymały z Lublińca! [ZDJĘCIA]
*Tragiczny wypadek w Koziegłowach. 2 osoby zginęły w zderzeniu fiata z ciężarówką ZDJĘCIA
* Zaginęły: 17-letnia Małgorzata Marzec i 15-letnia Angelika Kaczor. Gdzie są?
*Sprawdzony i prosty przepis na leczo SPRÓBUJ I SIĘ PRZEKONAJ
*W pełni wyposażone mieszkanie w centrum Katowic może być Twoje! Dołącz do graczy loterii "Dziennika Zachodniego"
Dołącz do nas na Facebooku!
Publikujemy najciekawsze artykuły, wydarzenia i konkursy. Jesteśmy tam gdzie nasi czytelnicy!
Dołącz do nas na X!
Codziennie informujemy o ciekawostkach i aktualnych wydarzeniach.
Kontakt z redakcją
Byłeś świadkiem ważnego zdarzenia? Widziałeś coś interesującego? Zrobiłeś ciekawe zdjęcie lub wideo?