Piyrszo połowa piōntkowego szpilu w Kielcach tyż przipōminała spotkani z Podbeskidziym. Z tym, że tera niy widzielimy nawet tego jednego darymnego szlagu w światło bramki. Nojlepszo okazjo zmarnowoł w 27. minucie Maciej Korzym, kiery po cyntrze z prawej strōny i przedłużyniu tego zagrania głowōm przez kōmpla z drużyny, dostoł bal w idyalnym placu. Jego szlag jednak szału niy zrobiōł. Wele słupka.
CZYTAJ KONIECZNIE:
BLOG GRZEGORZA BUCHALIKA: ŚLONSKI FUSBAL
Po przerwie na boisku sztyjc nic specjalnego. Dopiyro w 62. minucie torman Korony mōg na chwila przestać wydeptywać i niszczyć murawa na jednym placu. W kōńcu profilaktycznie mōg oderwać nogi od zola i sie ciepnōnć. Przed szesnostym metrym elegancko Kwiekowi bal na szlag wysunōł Nakoulma. Bōł hib pierōnowy, ale bal minimalnie przefurgnōł wele lewego słupka.
W 78. minucie Górnik mōg kludzić, ale ewidyntnie niy spisoł sie syndzia fankowy. Piykny bal w tympo za obrōńcōw dostoł Irek Jeleń i kieby niy odgwizdany spolōny napastnik Górnika po miniynciu bramkorza ni mōg by już niy trefić do siatki. Niystety ausdruk arbitrōw niy pōmogo w tym doprowdy kluczowym mōmyncie szpilu.
Za chwila sytuacjo odwrōci sie o 180 stopni. Ciynżko opisać to co sie robi w szesnostce Górnika po cyntrze z roga w 83. minucie. W pierōńskim miszōngu Skorupski niy chyto bala i gola do pustyj bramy szczylo Piotr Malarczyk.
Wynik sie już niy zmiyni. Hneda przed czasym pod prysznic wyrwie sie jeszcze Seweryn Gancarczyk, kiery obejrzy drugo żōłto i czerwōno kartka. Górnik zaś gupio przegrywo i może slecieć w tabeli nawet na plac nr 6. O pucharach już żodyn niy spōmino.
Samek ni może być już godki o przipadku. W Górniku coś pynkło, klynkło, pyrskło, złōmało sie... W ōsmym wiosynnym szpilu synki z Zabrzo przegrywajōm już po roz szōsty. Jeszcze na jesiyń radzi, z uciechōm zaglōndalimy na ich szpile. Teroski przi spotkaniach z ich udziałym kibicōm sie mierznie, a na kōńcowy happy end tyż ni majōm co liczyć, bo jes raczyj durś na opy.
Korona Kielce - Górnik Zabrze 1:0 (0:0)
Brama: Piotr Malarczyk (83. min.)
Czerwōno kartka: Seweryn Gancarczyk (86. min.)
Korona: Małkowski - Golański, Stano, Malarczyk, Lisowski (11. Kijanskas) - Sobolewski, Jovanović, Janota, Lenartowski, Kuzera (64. Sierpina) - Korzym
Górnik: Skorupski - Olkowski, Danch, Kopacz, Gancarczyk - Nakoulma, Mączyński, Iwan (88. Mosznikow), Szeweluchin, Bonin (37. Kwiek) - Zachara (72. Jeleń)
Grzegorz Buchalik, student z Żor, uwielbia grać w piłkę i relacjonuje po śląsku mecze ekstraklasy. Ślōnski fusbal ma udowadniać, że język śląski to nie tylko żarty, co nie znaczy, że żartów musimy usilnie unikać. Ślōnski fusbal ma przede wszystkim promować śląski język i sport. Teksty adresowane są nie tylko do Ślązaków, dla których godka jest językiem ojczystym, wyniesionym z domu. Grzegorz Buchalik pisze alfabetem łacińskim z tym, że dodaje jedną literę-samogłoskę, zapisywaną jako: ō (jak np. w wyrazach kōnsek", czy pozōr).
ZGADZASZ SIĘ Z AUTOREM BLOGA? JESTEŚ PRZECIW? SKOMENTUJ
*Kutz: Autonomia okazała się oszustwem. Ślązakom należy się status mniejszości etnicznej [WYWIAD RZEKA]
*TYLKO W DZ: Niesamowite zdjęcia górników i kopalń z XIX w. Maxa Steckla
*Cygańskie wesele w Rudzie Śl. On - 21 lat, ona 16 lat. ZOBACZ ZDJĘCIA Z ZABAWY
*Serial Anna German [STRESZCZENIA ODCINKÓW]
Dołącz do nas na Facebooku!
Publikujemy najciekawsze artykuły, wydarzenia i konkursy. Jesteśmy tam gdzie nasi czytelnicy!
Dołącz do nas na X!
Codziennie informujemy o ciekawostkach i aktualnych wydarzeniach.
Kontakt z redakcją
Byłeś świadkiem ważnego zdarzenia? Widziałeś coś interesującego? Zrobiłeś ciekawe zdjęcie lub wideo?