To by było na tela. Dziynkuja fest za uwaga i zaproszōm na nastympny ślōnski relacje yno na Ślōnskim Fusbalu yno w DZ...
Pogoń zdobywo 3 punkty i jes już fest blisko utrzimanio. Żodyn z tej ligi niy chce sfurgnōnć... Ważny bydzie jeszcze nojbliższy szpil Pogoni z Podbeskidziym, po kierym bydymy wiedzieć już dużo wiyncyj.
Górnik ni mo już ani co marzyć o pucharach, a nikierzi jeszcze bez zima myśleli o 15. korōnie majstra...
Dziewiōnto porażka Górnika na wiosna. Trocha żol. Tym bardzi jak spōmnymy se, że bez cołko jesiyń przegrali yno roz.
90+5 min. - Kōniec. Gospodorze gupnōm na murawie praje jak wczora Bayeroki...
90+5 min. - Nastympno cyntra pod bramka gospodorzy. Faul na tormanie.
90+4 min. - Z roga Kwiek. Skorupski w szesnostce Pogoni! Nic z tego ni ma.
90+3 min. - Dobro okazjo zōnaczōł Nakoulma. Szlag Bonina chyto jednak bez problymu torman.
90+1 min. - W rogu boiska tańcuje Pogoń.
90 min. - Syndzia doliczo 5 minut.
90 min. - Wysoko atakujōm tera gospodorze. Takigo posiadanio bala jak mo Górnik niy pogańbiyła by sie ani Barcelona.
88 min. - Żodnego bala niy odpuszczo Nakoulma. Wszyndzij wrazi noga, niy lygo nawet faulowany. Czamu niy groł od poczōntku?
87 min. - Pogoń sztyjc zawarto na swojij połowie.
85 min. - Lekki bajzel na boisku. Noll zagroł rynkōm. Ni ma jednak drugij żōłtej kartki do fusbalisty ze Szczecina.
84 min. - Zmiana w Pogoni. Na placu gry... Pietruszka.
82 min. - Zaś wolny. Bal przeciepany nad murym do Nakoulmy. Defynsywa jednak zaś wyjaśnio sytuacjo.
81 min. - Pogoń gro już yno ,,na wyjazd"...
80 min. - Nerwowo Pogoń, ale Górnik dalij ni mo na nich skutycznego knifu...
78 min. - Szlag Kwieka zablokowany. Danch poprawio i Portowcōw ratuje już yno lata!
77 min. - Przybylski wyciynty rowno z zolym. Bydzie żōłto kartka...
77 min. - Na boisku Bonin i Wiśniewski
75 min. - Tera na połowie Górnika przi balu utrzimujōm sie gospodorze. W kōńcu syndzie odgwizduje spolōny i bydōm zmiany.
75 min. - Z roga gro Pogoń, niypewnie Skorupski.
73 min. - o kōnsek szczewika na spolōnym napastnik Górnika.
72 min. - Dobro akcjo Pogoni. Jeszcze lepszy szlag Edigo, ale bohatyrym akcji jes Skorupski...
70 min. - Syndzia rozkozuje tormanowi Pogoni popilować z wkludzaniym bala do gry, bo tyn ewidyntnie biere sie za to za pomału.
68 min. - Dobry szlag z wolnego oddowo Kwiek. Bal odbijo sie jeszcze od zola i torman mo ś nim problymy.
67 min. - Teroski ostro włazi w Kwieka Noll i zagrywo rynkōm. Żōłto kartka.
66 min. - Olkowski mo fol placu w środku, ale zagroł niydokładnie. Po ptokach.
64 min. - Na trowie leży Lewandowski, chyba klupnōł łepōm o zol, abo prziszła mu chynć na ,,trzaskani sie słōńcym"
63 min. - Na boisku jes świyży napastnik Pogoni Djousse.
62 min. - Była wartko zmiana w Pogoni, ale ni ma czasu na analizy, bo zaś atakujōm goście.
60 min. - Górnik pogroł klepōp i już piyrszy szlag zaliczo Nakoulma. Torman jednak dobrze ustawiōny. Na grocza z Burkina Faso obrōna Pogoni musi jednak dać se pozōr!
60 min. - Piyrsi pod prysznic lecōm już Zachorski i Jeleń
59 min. - Szykujōm sie zmiany w Górniku. Rozgrzoci sōm już Zachara i Nakoulma
57 min. - Na prawym skrzidle szarpnōł Frątczak. Skorupski jednak niy musi sie ani ciepać.
56 min. - Elegancko Górnik. Cyntra na długi słupek i szlag Mączyńskigo. Nad latōm...
54 min. - Jedna akcja Pogoni i zaś przi balu Górnik.
52 min. - Bal za obrōna. Jeleń jednak niy siōngnōł...
51 min. - Edi szczylo z wolnego, ale tyn szlag lepij zostawić bez kōmyntarza...
50 min. - Cyntymetry od słupka! Fusbaliści z Zabrzo zaś klupiōm zza szesnostki.
49 min. - cyntra Bembena i próba szlagu głowōm Jelenia. W efekcie rōg do Górnika.
48 min. - Szpetny faul Przybylskigo.
47 min. - Piyrszo próba szlagu Górnikōw
46 min. - Fusbaliści już na boisku i jadymy...
Żodnych zmian. Tyrōmy w tych samych składach.
Co prowda brama do Pogoni wpadła bez cufal, ale trza prziznać ofyn, że to gospodorze mieli w piyrszej połowie jednak trocha wiyncyj do godki. Widać kōmu samek bardzij zoleży na punktach.
Teroski pora minut do trynerōw. Nawałka mo okazjo coby trocha popierōnić i sprzezywać swoich groczy za pora przedrzymanych minut. Czekōmy na emocje w drugij połowie...
45 min. - Ni ma gratisowych minut. Po samobójczym golu Bembena Pogoń kludzi 1:0.
45 min. - Hneda dowiymy sie wiela doliczy syndzia.
43 min. - Zaś rajzuje Jeleń, za chwila lewōm nogōm klupie Zahorski. Ni ma gola.
42 min. - Odpowiydź Pogoni. Bal dobrze zagrany do Frątczaka, głowōm próbuje Hałas.
41 min. - Piyknie rozfechtowoł sie na prawym skrzidle Olkowski. Szlag po długim rogu jednak niy leci w światło bramki.
40 min. - Kwiek zagrywo na Jelenia w szesnostka, ale doświadczōny snajper niy opanowuje bala.
39 min. - Tera to Górnik czynścij na połowie gospodorze, ale brakuje iskry...
38 min. - Przybylski próbuje z wele 30 metrōw, wele słupka.
37 min. - Górnik wykludzo kōntra, ale bal jes niydokładnie zagrany do Olkowskigo.
35 min. - Nastympny rōg do Pogoni, niyskorzij próba szlagu Hałasa. Bal w trybunach.
34 min. - taktyczny faul Szeweluchina. Akohoshi lygo i demōnstruje jak fest go boli.
34 min. - Ciynżko fusbalistōm z Zabrzo przeciś sie do przodku...
32 min. - Elegancko cyntra Olkowskigo. Brakło cyntymetrōw coby kieryś zgarnōł to głowōm.
30 min. - Dobrze balym w środku pogrywo Pogoń. Ława szczylo Pōnbōczkowi w okno...
28 min. - strata w środku i Jelyń na sōm na sōm! niy trefio...
27 min. - zaś aut do Górnika, cyntra Zahorskigo, ale żodnego tamek niy było.
26 min. - Lewym skrzidłym próbuje przeciś sie Jelyń, ale jes tam za ciasno...
25 min. - zaś próba z dystansu Edigo, rykoszet i bal w rynkach Skorupskigo.
23 min. - Odpedzieć próbuje Górnik, ale nasi ni majōm już tej siły rażynio co bez jesiyń.
22 min. - ...a za chwila z lewego skrzidła zagrywoł jego kōmpel z drużyny. Bal kuloł sie wzdłuż linii, ale zaś ni mioł kto tamek wrazić nogi.
22 min. - Bajzel w obrōnie Górnika. Przody sōm na sōm bōł Hałas...
21 min. - dobro cyntra Edigo, żodyn jednak niy poradzi tego przeciōnć
19 min. - Na spolōnym Hałas, strata Górnika i zrobiyło sie groźnie...
18 min. - Darymny futer... Bal zaś wybity.
18 min. - Piyrszy rōg wywalczōłse Górnik.
17 min. - zaś szarpie Pogoń, Edi próbuje z dystansu.
16 min. - Górnik z autu pod bramkōm gospodorzy, ale nic z tego niy bydzie
14 min. - Synkōm z Zabrzo niy piluje sie do przodku...
13 min. - Górnik sztyjc drzymie, w ataku Pogoń...
11 min. - po piōntym już rogu Pogoni gospodorze oddali w kōńcu szlag w światło bramki. Bal odbijo sie od laty, a za chwila trefio bez cufal obrōńcy Górnika i jes brama samobójczo. Gol zapisany Bembenowi.
11 min. - BRAMA DO POGONI
9 min. - Mocny szlag z dystansu Akahshigo biere na sia jedyn z obrōńcōw Górnika.
9 min. - Górnik wymiyni bal w środku pola, a Pogoń próbuje grać wysokim pressingiym.
7 min. - Tera w ataku fauluje Zahorski i syndzia już ni mo wōntpliwości, że jes faul.
5. min. - Zaś atakuje Pogoń. W szesnostce Górnika lygo targany za koszulka Edi, ale syndzia niy reaguje.
4 min. - tym razym pograli krōtko, ale zaś wybijo Górnik.
3 min. - rōg do Pogoni i zaroski bydzie powtórka.
1 min. - Bal już w grze...
Nikierzi kibice mono jeszcze niy spamiyntali sie po wczorajszym finale Ligi Mistrzōw, ale my już przenoszymy sie na murawa w Szczecinie i liczymy, że samek tyż niy braknie emocji.
Spōmnymy jeszcze yno wartko, że w jesiynnym spotkaniu obu tych ekip pod rymis, a abo tormany mōgli poasić sie czystym kōntym.
Już hneda, za pora sekund syndzia Paweł Raczkowski zagwizdo po roz piyrszy.
Witōmy na piyrszej w historii relacji na żywo, kiero przekludzōno zostanie durś po ślōnsku.
Dołącz do nas na Facebooku!
Publikujemy najciekawsze artykuły, wydarzenia i konkursy. Jesteśmy tam gdzie nasi czytelnicy!
Dołącz do nas na X!
Codziennie informujemy o ciekawostkach i aktualnych wydarzeniach.
Kontakt z redakcją
Byłeś świadkiem ważnego zdarzenia? Widziałeś coś interesującego? Zrobiłeś ciekawe zdjęcie lub wideo?