Podbeskidzie kōńczy jesiyń rymisym 2:2 u sia z Widzewym. Nojstarsi górole majōm chyba biyda se spōmnieć kiedy "Górale" zdobyli w ogóle jakiś punkty w lidze, beztōż niedzielny rymis trza wziōns za sukcys. Z drugij strōny kibicōm z Bielska-Białej musi być pierōnym żol, bo jeszcze pora minut przed kōńcym kōmplet punktōw mieli już praje w kapsie.
Tak jak chyba przi okazji wszyjskich szpilōw tej kolejki pogoda na pewno niy zachyncała do kibicowanio na stadiōnie. Ciynżko tyż pedzieć, coby niy wpływało to na gra. Nojlepij było to widać właśnie w Bielsku-Białej. Gra w przeciwiyństwie do śniega niy chciała sie za fest kleić.
Kibicōw rozgrzoł trocha arbiter, kiery w 19. minucie odgwizdoł elwra do gości po faulu Dancika na Kaczmarku. Z jedynostego metra gola klupnōł za chwila Łukasz Broź.
Wiela niy brakło a gospodorze złaziliby do szatni z dwōma bramkami w pleca. Przi akcji Widzewa z 32. minuty ratuje ich jednak szczynśliwy cufal. Po cyntrze Kaczmarka i szlagu głowōm w wykonaniu Radzia bal trefio yno w lata.
Ireneusz Jeleń odkōnd przekludziōł sie do Bielska-Białej ni mo szczynścio do tormanōw rywali. Tryner symnōł go tym razym z boiska już w 55. minucie, a jego zmiynnik już po trzech minutach zdobōł gola na 1:1. Fol zasług przi tej okazji trza zapisać Robertowi Demjanowi. Grocz tyn przody ,,zrobiōł na roz" aż trzech groczy Widzewa, a niyskorzij elegancko dogroł do Fabiana Paweli, kiery za tyż jednym szlagiym założōł bramkorzowi siata i szczelōł gola.
Minyły nastympne 3 minuty i było już 2:1. Tym razym wykozoł sie Damian Chmiel. To ōn dobrze znod se plac na szesnostym metrze i elegancko przimierzōł tak, że Dragojević zaś musioł wyciōngać bal z siatki.
Te wartki dwa szlagi kozały gościōm z Łodzi durś zmiynić taktyka. Tera tō ōni fest ciśli na brama gospodorzy. Dobro szansa trefiyła im sie w 87. minucie. Obrōńcy Podbeskidzio niy poradziyli zrobić porzōndnego ,,wyjazdu" spod swojij bramki i pozwolili gościōm przejōnć bal. Krystian Nowak szczylo bez dłuższej chwili zastanowiynio i mōmy 2:2
Yno jedyn punkt trefi w końcu na kōnto Podbeskidzio. To jednak styknie do wyprzedzynio Bełchatowa i wskoczynio na przedostatni plac. Wylyź ze strefy spadkowej niy bydzie jednak tak lekko.
CZYTAJ KONIECZNIE
Blog Ślonski fusbal CZYTAJ TUTAJ
*NiesamowityDreamliner w Pyrzowicach ZOBACZ ZDJĘCIA i WIDEO
*Zniewalający wystrój restauracji Kryształowa Magdy Gessler ZOBACZ ZDJĘCIA i WIDEO
*HC GKS Katowice od szatni ZOBACZ ZDJĘCIA TYLKO W DZ
*Ślązacyzazdroszczą Katalończykom autonomii: prawda czy fałsz? [CZYTAJ I SKOMENTUJ]
Dołącz do nas na Facebooku!
Publikujemy najciekawsze artykuły, wydarzenia i konkursy. Jesteśmy tam gdzie nasi czytelnicy!
Dołącz do nas na X!
Codziennie informujemy o ciekawostkach i aktualnych wydarzeniach.
Kontakt z redakcją
Byłeś świadkiem ważnego zdarzenia? Widziałeś coś interesującego? Zrobiłeś ciekawe zdjęcie lub wideo?